॥ अमृतबोध ॥ २८ जुलै २०१६

२८ जुलै २०१६

परमार्थात ' सेवा ' फार महत्त्वाची मानलेली आहे. श्रीतुकाराम महाराज स्वानुभव सांगतात, " सेवेचिये सत्ते धनीच सेवक । " निरपेक्ष सेवेने मालकच सेवकाचा सेवक होऊन राहातो. सर्व संतांच्या चरित्रात हे पाहायला मिळते. भगवंतांनी संतांची पडेल ती सेवा केलेली आहे. म्हणूनच या अपार महत्त्वपूर्ण साधनांगाची महती सांगताना प. पू. श्री. मामासाहेब देशपांडे महाराज म्हणतात की, प्रत्येक साधकाने आपल्या श्रीसद्गुरूंच्या सेवाकार्यात प्रेमाने मानसिक, शारीरिक, वाचिक, बौद्धिक इत्यादी सर्वप्रकारची जमेल तेवढी निरपेक्ष सेवा केली पाहिजे, त्यातून आपले शरीर, मन, बुद्धी सगळे पवित्र होते व ईश्वराची कृपाही लाभते. कल्पनेतही न बसणारी अलौकिक फले देणारे निरपेक्ष सेवेसारखे दुसरे उत्तम साधनच नाही या जगात.
( कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )