सद्गुरु श्री माउली एका अभंगात म्हणतात की, *"हरिवांचूनि न दिसे रितें रे ॥"* सद्गुरूंनी दिलेल्या साधनेच्या अभ्यासाने सर्वत्र श्रीहरींचीच प्रचिती येते. हा अनुभव आला की निर्गुणाशिवाय काहीही नाही, हे समजून येते.
म्हणूनच ते हरिपाठाच्या तिस-या अभंगाच्या तिस-या चरणात म्हणतात,
*अव्यक्त निराकार नाहीं ज्या आकार ।*
*जेथूनि चराचर हरिसी भजे ॥हरि.३.३ ॥*
जो अव्यक्त आहे, इतकेच नाही तर निराकारही आहे, म्हणजे ज्यास कोणताही आकार नाही; तेथूनच चराचराची निर्मिती होते.
प.पू.मामासाहेब देशपांडे महाराज म्हणतात, "आता परमात्मा जर अव्यक्त, निर्गुण, निराकार आहे, तो तर काहीच करीत नाही; मग हे विश्व निर्माण कसे होते? निर्गुण परमात्म्यावर कर्तृत्वाचा आरोप केला की अद्वैत सिद्धांतास बाधा येईल. म्हणूनच श्रुती सांगते की, परमात्म्याने 'ईक्षण' केले. ही ईक्षणाची प्रक्रिया नीट समजून घ्यायला हवी, म्हणजे मग सगळे कोडे उलगडते. पू.मामांनी विस्ताराने कथन केलेले परमात्म्याचे हे ईक्षण आपण उद्या सविस्तर जाणून घेऊया.
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )
