॥ अमृतबोध ॥ ३० जानेवारी २०१७ ॥ हरिपाठ मंजिरी - ४५ ॥

सद्गुरु श्री ज्ञानेश्वर माउली हरिपाठाच्या तिस-या अभंगात पुढे म्हणतात,
*'हरिवीण मन व्यर्थ जाय ॥'*
त्यावर भाष्य करताना प.पू.श्री.मामासाहेब देशपांडे महाराज म्हणतात, हरिशिवाय मन कोठेही जाणार नाही. याचा अर्थच मनात येणा-या शुभाशुभ विचारांशी जोपर्यंत इंद्रियतादात्म्य नाही, तोपर्यंत भीती नाही. मन आपले संकल्प-विकल्पांचे कार्य करीत असताना, आपण आपले कार्य करावे.
मनाला सोडून वागायची आपल्याला नेहमीची सवय आहे. पाहा, झोपेत आपल्याला निरतिशय आनंद होत असतो. त्यावेळी मन नसते का? असते, पण आपण त्याला सोडून वागत असतो. असे जर इतरवेळीही आपण मनास सोडून वागू शकलो तर ते फार उपयुक्त ठरते.
यासाठीच प.पू.मामा आपल्याला उपदेश करतात की, "श्रीभगवंतांच्या ज्या शक्तीने सर्व विश्व निर्माण केले, त्याच शक्तीला शरण जाऊन साधना करायला हवी. तरच 'हरिवीण काही नाही' हा अनुभव येईल."
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )