*॥ अमृतबोध ॥* *१४ एप्रिल २०१७* *॥ हरिपाठ मंजिरी - ११९ ॥*

सद्गुुरु श्री माउली हरिपाठाच्या सातव्या अभंगात, श्रीहरींना विन्मुख असलेल्या दुर्दैवी अभक्त जीवांच्या गतीविषयी स्पष्ट शब्दात सांगतात.
त्या अभंगाचा सरलार्थ सांगताना प.पू.श्री.मामासाहेब देशपांडे महाराज म्हणतात, "ज्यांच्या हृदयात भगवंतांविषयी प्रेम नाही, त्यांच्या हातून डोंगराएवढी  मोठी मोठी पातके घडतात. आणि ती वज्रलेप होऊन त्यांच्या ठिकाणी कायमची जडून राहतात. ते भक्तिहीन जीव, आपल्या स्वकीय पदापासून भ्रष्ट होतात व अंतर्यामी भक्तीच नसल्यामुळे वायफळ, वारेमाप बडबड करीत सुटतात. त्यामुळे त्यांना भगवान श्रीगोपालकृष्णांची प्राप्ती होत नाही."
ज्याच्या हृदयात श्रीहरींविषयी थोडाही भक्तिभाव नाही, त्याचे सारे आयुष्य व्यर्थच होय, असे सद्गुरु श्री माउली या अभंगातून प्रतिपादन करीत आहेत.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )