सद्गुरु श्री माउलींचे हृद्गत सांगताना प.पू.श्री.मामासाहेब देशपांडे महाराज म्हणतात की, "जो कर्म, उपासना व ज्ञान या तिन्हींचा प्रेमाने अंगीकार करून जगतो, तोच खरा भक्त होय. आणि अशी भक्ती ज्यांना नाही, ते पतित असून शिवाय अभक्त ह्या कोटीत गणले जातात. कारण ते श्रीहरींना भजत नाहीत."
कर्म, उपासना व ज्ञान या तिन्हींचा जो प्रेमाने अंगीकार करतो किंवा त्या भगवंतांच्या प्रेमाखातरच या तिन्ही गोष्टी सांभाळतो, तोच भक्त होय. याचा अर्थ असा की, खरी भक्ती होण्यासाठी आपले कर्म त्या भक्तिभावाला अनुकूल असायला हवे. त्यानुसार आपली उपासनाही तेवढी व्हायला हवी आणि या दोन्ही बाबतीत ज्ञानाची भूमिका अंत:करणात हवी. अज्ञानी माणसाला देवाधिदेव पावत नाही, असे समर्थ श्री रामदास स्वामी म्हणूनच सांगतात. भोळा भाव व अज्ञान यात मात्र फरक अाहे, हे लक्षात घ्यायला हवे.
अभक्तांची आणखी काही महत्त्वाची लक्षणे पू.मामा सांगतात, ती उद्यापासून पाहूया.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )
0 comments:
Post a Comment