*॥ अमृतबोध ॥* *२४ एप्रिल २०१७* *॥ हरिपाठ मंजिरी - १२९ ॥*

एखादा माणूस उपासना करतोय, पण भगवान श्रीहरींची न करता इतर देवतांची जर करत असेल, तरी त्यालाही खरी प्राप्ती होत नाही. सद्गुरु माउली अशा माणसालाही दैवहतच म्हणतात.
या अन्यदेवता उपासकांचे भगवान नारायणांच्या सगुणरूपावर खरे प्रेम नसते. शिवाय भक्तिहीन काम्य उपासना असल्यामुळे त्यांच्या उपासनेत फार अडचणी येतात. इंद्रादी देवता ऋद्धी-सिद्धींच्या माध्यमातून त्यांची मार्गातच वाटमारी करतात. प्रवासात दरोडेखोर भेटल्यावर जशी एखाद्याची अवस्था होते, तसेच यांचे होऊन जाते. पण जे श्रीभगवंतांचे खरे प्रेमी भक्त असतात, त्यांना मात्र असल्या कोणत्याही अडचणी कधीच येत नाहीत, त्यांचा परमार्थ निर्विघ्नपणे पार पडतो.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )