*॥ अमृतबोध ॥* *९ एप्रिल २०१७* *॥ हरिपाठ मंजिरी - ११४ ॥*

सद्गुरु श्री माउलींनी ओवीत *'मग तेथ आपण ।'* असे मुद्दामच म्हटले आहे. 'मग' म्हणजे 'नंतर'. कशाच्या नंतर? तर, साधूंनी बोध केल्यानंतर, त्यांनी शक्तिसंक्रमण केल्यानंतर ! मग आपण काय करायचे? तर, आसनावर स्थिर बसायचे व सांगितलेल्या पद्धतीने अभ्यास करायचा असतो.
यावरून हे स्पष्ट होते की, बोध हा करायचा नसून व्हायचा असतो. असा अभ्यासाच्या योगाने झालेला बोध, तो अभ्यासच उरत नाही तोपर्यंत करायचा असतो.
अभ्यास ठेला म्हणजे समाप्त झाला. त्यावेळी अभ्यासही मुरून जातो. म्हणूनच सद्गुरु श्री माउली हरिपाठाच्या या सहाव्या अभंगात *'ठायींच मुराला अनुभवें ।'* असे म्हणतात.
या 'मुराला' शब्दाचे आकलन नीट होण्यासाठी प.पू.श्री.मामासाहेब देशपांडे महाराज एक सुरेख उदाहरण देतात, ते आपण उद्या पाहू.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )