*॥ अमृतबोध ॥* *१९ मार्च २०१७* *॥ हरिपाठ मंजिरी - ९३॥*

साधूंच्या ठायी परिपूर्ण ब्रह्मभावना बाणलेली असते. त्यामुळे ते सर्व प्रकारच्या द्वैतभावनेच्या पलीकडे गेलेले असतात. तरीही भक्तिसुख भोगण्यासाठी, हे भक्त सेव्यसेवकपणाचे नाते मुद्दाम पत्करतात. आपल्या श्रीसद्गुरूंना व श्रीभगवंतांना भक्तीचे अधिष्ठान कल्पून ते स्वत: त्यांचे अनन्य भक्त बनून हरप्रकारे त्या भक्तिसुखाची अवीट गोडी अविरत सेवन करतात. प.पू.श्री.मामासाहेब देशपांडे महाराज आवर्जून सांगतात की; एवढेच नाही तर, हे भक्त जे भक्त नाहीत अशा लोकांनाही त्या भक्तीची गोडी लावतात, त्यांना कृपेने ती भक्ती प्रदान करतात.
प्रत्यक्ष श्रीभगवंतच अर्जुनाला सांगतात की, पाहा, आमच्यावर एवढे प्रचंड प्रेम करणा-या अशा भक्तांचे आम्हांला व्यसनच असते. आमची त्यांच्यावर सदैव कृपादृष्टी असते आणि ते भेटल्यावरच आम्हांला खरे समाधान मिळते.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )