सद्गुरु श्री माउली *"साधुबोध झाला, तो नुरोनिया ठेला ।"* या हरिपाठाच्या सहाव्या अभंगातून फार विशेष संदर्भ सांगतात. या अभंगाचा सरलार्थ सांगताना प.पू.श्री.मामासाहेब देशपांडे महाराज म्हणतात, "ज्याला सद्गुरु-उपदेश झाला, नियमित साधनेने त्याचा देहभाव सरून तो ब्रह्मभावाने राहतो. पुढे तो ब्रह्मानुभवही ब्रह्मातच विलीन होऊन जातो. ज्याप्रमाणे कापराची ज्योत पेटली म्हणजे शेवटी कापूरही राहात नाही आणि अग्नीही राहात नाही; तसे गुरुकृपांकित सभाग्य जीवाचे होते. साधूंनी ज्याला आपलासा केला आहे, असा हरिभक्त मोक्षाच्या सीमेवर येऊन पोहोचतो; आणि त्याच सर्वश्रेष्ठ भाग्याने तो शोभतो. म्हणूनच मला संतसज्जनांच्या संगतीत गोडी वाटते. त्यांच्याच कृपेने सर्व लोकांत, वनांत व आत्मरूपात मला श्रीहरींचीच प्रचिती अखंड येत असते, असे सत्संगतीचे महिमान प्रत्यक्ष सद्गुरु श्री ज्ञानेश्वर माउली येथे सांगतात."
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )
0 comments:
Post a Comment