सद्गुरु श्री माउली हरिपाठाच्या सातव्या अभंगाच्या तिस-या चरणात वाचाळांबद्दल सांगतात की, *"अनंत वाचाळ बरळती बरळ । त्यां कैचेनि गोपाळ पावे हरि ॥७.३॥"*
याचे विवरण करताना प.पू.श्री.मामासाहेब देशपांडे महाराज म्हणतात, पुष्कळ मंडळी निरनिराळे ग्रंथ वाचून, किंबहुना पाठ करून त्यांची प्रमाणे देऊन आपण ज्ञानी असल्याचे भासवून श्रोत्यांना चकित करतात. पण अशा लोकांना भगवान श्रीहरी दयाळू असले तरी पावत नाहीत. त्या लोकांना माउली जन्मांधाची उपमा देतात.
मोराला दोन डोळ्यांबरोबर प्रत्येक पिसावरही डोळा असतो, पण त्यातील खरे डोळे फुटले तर त्या पिसा-यावरील डोळ्यांचा काही उपयोग होत नाही. तसे अध्यात्म हे केवळ स्वानुभवानेच होते, दुस-यांचे वाचून कितीही बरळले तरी त्याची किंमत परमार्थात शून्यच होय. म्हणून माउली साधकाचे खरे उपयुक्त दोन डोळे कोणते? हेही स्पष्ट सांगतात, ते आपण उद्या पाहू.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )
