॥ अमृतबोध ॥ ४ ऑगस्ट २०१६

४ ऑगस्ट २०१६

नामस्मरण ही विशेष प्रक्रिया आहे. याविषयी संतांनी फार छान मार्गदर्शन करून ठेवलेले आहे. प. पू. श्री. मामासाहेब देशपांडे महाराज नामस्मरणाची प्रधान अंगे सांगताना म्हणतात की, नाम हे त्याच्या -हस्वदीर्घ उच्चारांनुसारच म्हटले गेले पाहिजे. शिवाय ते नाम परंपरेने आलेल्या श्रीगुरुंच्या मुखातून लाभलेले हवे. ज्यांच्याकडून नाम मिळाले त्या श्रीगुरुंप्रति आणि ज्यांचे नाम आहे त्या श्रीभगवंतांप्रति अंत:करणात अपार श्रद्धा आणि आदर हवा. नाम घेताना त्यांचे प्रेमाने स्मरणही व्हायला हवे. या गोष्टी जर साधल्या नाहीत तर घेतलेले ते नाम परमार्थाच्या दृष्टीने फळत नाही. म्हणून या गोष्टी कटाक्षाने पाळून नामाची अलौकिक अनुभूती घ्यावी, असे प. पू. श्री. मामा आपल्याला कळवळ्याने सांगत आहेत.
( कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )