॥ अमृतबोध ॥ १२ ऑगस्ट २०१६

१२ ऑगस्ट २०१६

सध्याचे जग हे जाहिरातीचे जग आहे. येथे कसलीही जाहिरात खपते, भले मग ती गोष्ट खोटी का असेना ! पण अध्यात्म किंवा भक्ती हे अंतरंग साधनेचे विषय आहेत. त्यात दिखावूपणा चालत नाही. सध्या कणभराची भक्ती मणभराच्या जाहिरातीसोबतच करण्याची पद्धत रूढ होत आहे. यावर नापसंती व्यक्त करीत साधकांना मोलाचा इशारा देताना प. पू. श्री. मामासाहेब देशपांडे महाराज म्हणतात की, मृगनाभीतून मिळणा-या अत्यंत दुर्मिळ अशा कस्तुरीची डबी उघडी राहिली की ती उडून जाते, तिचा सुगंध नष्ट होतो, त्याचप्रमाणे जाहिरात झाली की भक्तीत अहंकार येतो व ती भक्ती नासून जाते. ज्याला श्रीभगवंतांची प्राप्ती व्हावी असे मनापासून वाटते त्याने आपली भक्ती प्रयत्नपूर्वक गुप्तच राखली पाहिजे.
( कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )