॥ अमृतबोध ॥ ३१ ऑगस्ट २०१६

३१ ऑगस्ट २०१६

जो आपली साधना हेच कर्तव्य मानून मनापासून करतो तो साधक. साधनेच्या सातत्यामुळेच तर त्याला साधक म्हणतात. साधनामार्गातील मार्मिक रहस्य सांगून हमखास यशाचा मोलाचा बोध करताना प. पू. श्री. मामासाहेब देशपांडे महाराज म्हणतात की, जो श्रीसद्गुरूंनी दिलेल्या साधनेशी अनन्य होतो, त्यालाच परमार्थातील अतिशय महत्त्वाची सिद्धी मानलेली अनन्यता साधते. अनन्यता साधली की त्यातूनच खरी भक्ती प्राप्त होत असते. म्हणून आपल्या साधनेविषयी कसलेही विकल्प, शंका, संशय न घेता, प्रेमाने व नेमाने साधना करावी, त्यात इतर कोणाच्याही मदतीची, सहकार्याची, सोबतीची इच्छा न धरता, सद्गुरुशरणागतीपूर्वक निष्ठेने व आदराने, फळाचा विचारही न करता, साधना करीत राहावी, म्हणजे यश लाभतेच !
( कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )