॥ अमृतबोध ॥ १२ ऑक्टोबर २०१६

व्यवहारात कोणताही माणूस हा त्याच्या संगतीवरून जोखला जातो ! म्हणून दु:संग ही एक अशी गोष्ट आहे की जी दैनंदिन जीवनात व परमार्थातही प्रचंड धोकादायक आहे, ती सर्वार्थाने टाळलीच पाहिजे. नाहीतरी ' वाईटाशी संग, प्राणांशी गाठ ', ही म्हण आपल्याकडे सुप्रसिद्ध आहेच.
पण वाईट संगती नक्की कोणती? ह्याचा पण सखोल विचार करायला हवा. संगती ही फक्त शारीरिक नाही, मानसिक व भावनिक संगती देखील तितकीच महत्त्वपूर्ण आहे. राम आणि रावण काय फक्त पुस्तकात नाहीत, ते आपल्या मनातही आहेतच. म्हणूनच प. पू. श्री. मामासाहेब देशपांडे महाराज खरी दु:संगती सांगतात की, विवेक-विचारांची कास सोडून आपल्या मनात उठणा-या विविध वासनांच्या आहारी जाणे, हीच खरी दु:संगती आहे !
कलियुगाचे एक बरे आहे की, यात मनात नुसत्या आलेल्या विचारांचे, वासनांचे पाप लागत नाही. पण त्या वासनांमध्ये गुरफटून त्यांच्या आहारी गेल्याने, त्यानुसार प्रत्यक्षात वागल्याने मात्र पाप लागतेच. म्हणून मनातील विवेकरूपी सख्याला डावलून वासनेच्या आहारी जाणे हीच खरी, व्यवहारातल्या वाईट संगतीपेक्षाही भयंकर अशी दु:संगती आहे.
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )