॥ अमृतबोध ॥ १४ ऑक्टोबर २०१६

आपल्या मनातली प्रत्येक इच्छा ही वासनाच असली तरी सर्वच वासना काही वाईट नसतात. शुद्ध सात्त्विक विचारांच्या वासना या मंगलमय, चांगले फळ देणा-या असल्याने, त्यांना उत्तमच मानले जाते. उदाहरणार्थ, श्रीभगवंतांचे नामस्मरण करण्याची, संतांची सेवा करण्याची, मंदिरात जाण्याची किंवा दानधर्म करण्याची वासना या शुभ अाहेत. ज्या वासनांमध्ये आपला अहंकार व स्वार्थ नाही तसेच इतरांना दु:ख होण्याची शक्यता नाही, त्या वासना नक्कीच चांगल्या मानाव्यात. अशा शुभ वासनांमुळे आपले मनही शुभ होते; असे प. पू. श्री. मामासाहेब देशपांडे महाराज आवर्जून सांगतात. म्हणूनच आपण सर्वांनी प्रयत्नपूर्वक या शुभ वासनांचाच पाठपुरावा करायला पाहिजे. यांचे प्रमाण वाढले की हळू हळू आपले संपूर्ण मनच शुभ होऊन जाईल; आणि त्यासारखे दुसरे सुख नाही !
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )