*॥ अमृतबोध ॥* *१३ जून २०१७* *॥ हरिपाठ मंजिरी - १७७ ॥*

सद्गुरु श्री माउली हरिपाठाच्या आठव्या अभंगातील तिस-या चरणात म्हणतात, *"एक तत्त्व नाम साधिती साधन ।(हरि.८.३)"* याचा अर्थ प.पू.श्री.मामासाहेब देशपांडे महाराज सांगतात की,  श्रीभगवंतांच्या एकाच तत्त्वापासून अनेक नामे निघाली आहेत. जो तो आपल्या आवडीप्रमाणे, संप्रदायाप्रमाणे नाम घेतो. ते घेता घेता, त्या पुण्याईमुळे श्रीगुरूंची भेट होते व ते शक्तीसहित नाम देतात. त्यालाच 'दिव्यनाम' म्हणतात. श्रीगुरूंकडून ते दिव्यनामाचे अलौकिक साधन मिळाल्यावर, जे अभ्यास करून म्हणजेच साधना करून साधतात, तेच धन्य. अशा साधकांना द्वैताचे बंधन बांधू शकत नाही, असे सद्गुरु श्री माउली स्पष्ट सांगतात !
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )