*॥ अमृतबोध ॥* *७ जून २०१७* *॥ हरिपाठ मंजिरी - १७१ ॥*

महात्म्यांचे अद्भुत वर्तन व विलक्षण नम्रता सांगताना सद्गुरु श्री माउली म्हणतात, "आपला श्रेष्ठपणा किंवा दुस-याची योग्यायोग्यता लक्षात न घेता, सर्वांपुढे सरसकट त्यांना नम्रच व्हावेसे वाटते. उंच जागेवरून सांडलेले पाणी स्वाभाविकपणेच जसे अगदी तळापर्यंत खाली वाहू लागते; त्याप्रमाणे भूतमात्रांच्या ठिकाणी नम्र व्हावे असा त्यांचा स्वभावच बनलेला असतो. वृक्षाला फळे लागली म्हणजे, त्याच्या फांद्या जशा लवून जमिनीला टेकावयास लागतात; त्याप्रमाणे हे महात्मे सर्व जीवांसमोर नम्र होतात. नम्रता हेच त्यांचे खरे भांडवल असते व अखंड गर्वरहित होऊन ते सदैव श्रीभगवंतांच्या नामाचाच जयजयकार करीत असतात !"
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )