*॥ अमृतबोध ॥* *६ जून २०१७* *॥ हरिपाठ मंजिरी - १७० ॥*

महात्म्यांचे अंतरंग संकीर्तन सांगून झाल्यावर आता सद्गुरु श्री माउली महात्म्यांचे जगाशी असलेले अद्भुत वर्तन सांगत आहेत.
"वस्त्रामध्ये ज्याप्रमाणे या टोकापासून त्या टोकापर्यंत सारखा धागाच भरलेला असतो; त्याप्रमाणे या सर्व चराचर सृष्टीमध्ये हे महात्मे श्रीभगवंतांवाचून दुसरे काहीही जाणत नाहीत."
महात्म्यांच्या दृष्टीला भेद कधीच जाणवत नाही, त्यांना सर्वत्र, सर्व ठिकाणी एक परमात्माच दिसत असतो. अगदी ब्रह्मदेवांपासून ते सामान्य चिलटापर्यंत सर्वकाही श्रीभगवंतांचेच स्वरूप आहे, हे त्यांना स्वानुभवाने पटलेले असते. त्यामुळे सजीव-निर्जीव, लहान-थोर असले कोणतेही भेद मनात न आणता, जे काही समोर येईल ते देवांचेच रूप जाणून, त्यापुढे ते लोटांगणच घालतात !
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )