*॥ अमृतबोध ॥* *८ जून २०१७* *॥ हरिपाठ मंजिरी - १७२ ॥*

महात्म्यांच्या अलौकिक नम्रतेचे अद्भुत फळ सांगताना सद्गुरु श्री ज्ञानेश्वर महाराज म्हणतात, "नम्रपणा धारण केल्यामुळे मानापमानाच्या भावना महात्म्यांच्या ठिकाणी राहत नाहीत; आणि नकळतच ते हरिरूप होऊन जातात. हरिस्वरूपाशी समरस होऊनच श्रीहरींची उपासनाही करतात."
नम्रतेमुळे 'मी'पणाची जाणीवच नष्ट झाल्याने हे महात्मे हरिरूपच होऊन ठाकतात. हेच त्यांच्या भक्तियोगाचे सार आहे.
सद्गुरु श्री माउली अशा हरिरूप झालेल्या महात्म्यांचाच उल्लेख हरिपाठाच्या आठव्या अभंगात करतात व अशा संतांची संगती धरण्यास सांगतात. कारण यांच्या संगतीतच मनाचा चंचलपणाचा वेडावाकडा मार्ग जाऊन त्या मनास सरळ गती प्राप्त होत असते.
कोण खरा संत आहे? हे काही वरवर पाहून कळत नाही. म्हणूनच प.पू.श्री.मामासाहेब देशपांडे महाराजांनी या विषयाची सविस्तर चर्चा केलेली आहे. कोणाची संगती धरावी? तर, ज्यांचे एवढे (हरिपाठ मंजिरी - १४५ पासून आज १७२ पर्यंत) वर्णन केले गेले त्या संतांचीच संगती धरावी !
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )