*॥ अमृतबोध ॥* *३ जून २०१७* *॥ हरिपाठ मंजिरी - १६७ ॥*

संतांचे माहात्म्य कथन करताना सद्गुरु श्री माउली सांगतात, "श्रीभगवंतांच्या गुणवर्णनात हे महात्मे इतके तृप्त असतात की, त्यापुढे त्यांना देशकालाचे भान राहात नाही आणि आपल्या कीर्तनसुखातच ते रममाण होऊन राहतात. कृष्ण, विष्णू, हरि, गोविंद या नामांचा सारखा घोष व मधूनमधून अध्यात्मचर्चा; असा त्यांच्या कीर्तनाचा थाट असतो."
महात्मे हे सदैव श्रीभगवंतांच्याच नामाचा घोष करतात व त्यांच्या गुणांचे, त्यांच्या लीलांचे वर्णन करीत असतात. हेच त्यांचे कीर्तन होय. कीर्तनामध्ये श्रीभगवंतांव्यतिरिक्त इतर कसलीही चर्चा ते चुकूनही करीत नाहीत की इतर कोणाही मनुष्याचे गुणवर्णन करीत नाहीत. त्यांच्या मनात देवांशिवाय अन्य विषयच नसतो.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )