*॥ अमृतबोध ॥* *१५ मे २०१७* *॥ हरिपाठ मंजिरी - १५० ॥*

महात्म्यांची अद्भुत मनोभूमिका सांगताना सद्गुरु श्री ज्ञानेश्वर माउली म्हणतात, "आपल्या भक्तिसुखाच्या अनुभवापुढे प्रत्यक्ष मोक्षालाही तुच्छ मानीत असतात."
मोक्षसुख हे जरी अपूर्व असले तरी, ज्या भक्तिसुखाचा मोह निरिच्छ, निर्मोही अशा साक्षात् श्रीभगवंतांनाही जिथे आवरत नाही, तिथे त्याच सुखाची तीव्र लालसा असणारे भक्तहृदयाचे महात्मे तरी कसे बरेे आवरू शकतील? त्यांचा जन्मच त्या भक्तिप्रेमाच्या आस्वादनासाठी झालेला असतो, म्हणून ते यच्चयावत् सर्व गोष्टी त्या अलौकिक भक्तिसुखासमोर तुच्छच मानतात. मोक्षाने काही क्षणापुरता तो आनंद लाभतो, पण भक्तिसुखात रममाण झाल्यावर त्या आनंदात कधीच न्यून येत नाही, तो आनंद क्षणोक्षणी वाढतच जातो. म्हणून या महात्म्यांना त्याचीच अत्यंत प्रीती असते !
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )