*॥ अमृतबोध ॥* *२८ मे २०१७* *॥ हरिपाठ मंजिरी - १६१ ॥*

जगामध्ये रात्र संपून पहाट झाल्यावरच उजाडते. त्याशिवाय अंधकार जाऊन उजेड पडत नसतो. पण संतांचे, महात्म्यांचे असे नसते. ते लौकिक पहाट न  होताच ज्ञानाच उजेड सर्वांच्या अंत:करणात पाडतात; असे महात्म्यांचे अद्भुत सामर्थ्य सद्गुरु श्री माउली सांगतात.
आत्मज्ञानाचा प्रकाश हा स्वतंत्रच असतो. तो पडल्यावर लौकिक जगातील रात्र-दिवस यांचा संबंधच उरत नाही. ज्ञान हे सदैव प्रकाशमानच असते; आणि ते केवळ महात्म्यांच्या परमकृपेनेच प्राप्त होत असते. म्हणूनच सद्गुरु श्री माउली येथे महात्म्यांचा यथोचित गौरव करीत आहेत.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )