*॥ अमृतबोध ॥* *२७ मे २०१७* *॥ हरिपाठ मंजिरी - १६० ॥*

महात्म्यांची करुणा फार विलक्षण असते. त्या स्वाभाविक करुणेने ते आपल्या सभोवतीच्या दु:खी-कष्टी जीवांचेही भले करतात. सद्गुरु श्री माउली सांगतात की, महात्मे श्रीभगवंतांच्या नामघोषाने सर्व विश्वाचे दु:ख नाहीसे करतात; आणि सर्व जगाला महानंदाने दुमदुमून सोडतात.
संकीर्तन भक्तीच्या माध्यमातून हे थोर महात्मे इतर लोकांनाही श्रीभगवंतांचा नामघोष करायला उद्युक्त करतात व त्याद्वारे अवघ्या जगाचेच दु:ख नष्ट करतात. जिथे साक्षात् आनंदकंद श्रीभगवंतांचे नाम आहे, तिथे दु:ख उरणार तरी कसे? जिथे नाम आहे तिथे तर सर्वत्र त्या आनंदमय परमात्म्याचा महानंदच भरून राहिलेला असतो. अशाप्रकारे हे महात्मे नामघोषगौरवाने संपूर्ण जगच दुमदमून सोडतात.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )