*॥ अमृतबोध ॥* *११ फेब्रुवारी २०१७* *॥ श्रीगुरुप्रतिपदा ॥* *॥ हरिपाठ मंजिरी - ५७ ॥*

प्रेमाने व नेमाने साधना केली तरच श्रीगुरुकृपेची अलौकिक अनुभूती येते. श्रीगुरूंनी दिलेली साधना प्रेमाने करणे, हाच खरी भक्ती लाभण्याचा एकमात्र मार्ग आहे.
सद्गुरु श्री ज्ञानेश्वर माउली हरिपाठाच्या चौथ्या अभंगात म्हणतात, *"बळेंवीण शक्ति बोलों नये ॥४.१॥"* याचे विवरण करताना प.पू.श्री.मामासाहेब देशपांडे महाराज म्हणतात, "अंगात बळ असल्याशिवाय शक्तीचे प्रदर्शन करू नये. बरे; नुसती शक्तीच असेल पण युक्ती नसेल, तरी काही उपयोग नाही. म्हणून ज्ञान, शक्ती आणि युक्ती यांचा समन्वय असावा लागतो." हा समन्वय योग्यप्रकारे झाला तरच आपल्या हृदयात विशुद्ध भक्ती प्रकट होते. हे सर्व काही पूर्वपुण्याईच्या योगाने प्राप्त होणा-या श्रीगुरुकृपेचेच उत्तम फळ मानलेले आहे.
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )