*॥ अमृतबोध ॥* *५ फेब्रुवारी २०१७* *॥ हरिपाठ मंजिरी - ५१ ॥*

हरिपाठाच्या तिस-या अभंगाच्या शेवटच्या चरणात श्री माउली ' ज्ञानदेवा ध्यानीं रामकृष्ण मनीं ' असा शब्दप्रयोग करतात. त्यासंदर्भात प.पू.श्री. मामासाहेब देशपांडे महाराज त्यांच्या मातु:श्री पू.पार्वतीदेवींनी सांगितलेला *'रामकृष्ण हरि'* या नामाचा खरा गूढार्थ स्पष्ट करून सांगतात. आजवर याचा असा विलक्षण अर्थ इतरत्र कुठेही व कोणीही केलेला माझ्यातरी पाहण्यात नाही.
पू.मामा सांगतात, *" या _' रामकृष्ण हरि '_ मधील _' राम '_ हा शब्द ब्रह्मवाचक आहे. त्याचा अनुभव कसा घ्यावा? तर _' कृष्ण '_ या शक्तीच्या साहाय्याने. म्हणजे, श्रीसद्गुरुकृपेने शक्ती जागृत झाल्यावर _' राम '_ हा शब्द उच्चारल्यास, त्या _' कृष्ण '_ म्हणजे वक्र, सरळ न जाणा-या, विजेप्रमाणे असणा-या शक्तीच्या साहाय्याने जीव वर जातो व त्यायोगे जीव-शिवांची भेट झाली की जगताच्या आभासाचे हरण केले जाते; म्हणजेच _' हरि '_ !"*
'रामकृष्ण हरि' नामाचा हा पूर्वी कुठेही न वाचलेला, सुंदर, स्वानुभूत व चिंतनीय अर्थ, कायम मनात गोंदवून ठेवावा, त्यावर वारंवार विचार करावा, इतका महत्त्वपूर्ण आहे ! सद्गुरु श्री माउलीना बहुदा येथे राम आणि कृष्णांना असेच मनात, चिंतनात ठेवणे अभिप्रेत असावे.
प.पू.श्री.मामा सद्गुरुमुखातून झालेल्या अलौकिक अशा शक्तियुक्त नामदीक्षेचे अद्भुत माहात्म्यच यातून आपल्याला सांगत अाहेत.
(कृपया ही इमेज आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )