*॥ अमृतबोध ॥* *१४ फेब्रुवारी २०१७* *॥ हरिपाठ मंजिरी - ६० ॥*

सद्गुरु श्री माउली हरिपाठाच्या चौथ्या अभंगात म्हणतात, *"कैसेनि दैवत प्रसन्न त्वरित । उगा राहे निवांत शिणसी वाया ॥४.२॥"* यावर विवेचन करताना प.पू.श्री.मामासाहेब देशपांडे महाराज म्हणतात की, एखादे दैवत प्रसन्न करून घ्यायचे असेल;  तर ते दैवत काय आहे? आणि त्याची भक्ती कशी करावी? हे आधी नीट कळायला हवे. हे जर प्रथम समजून घेतले नाही, तर भक्ती यथार्थपणे घडणार नाही.
यासाठीच श्रीगुरुचरित्रात कथन केलेल्या शबराच्या कथेचा नीट अभ्यास करायला हवा. शबर दूताने राजपुत्राच्या उपदेशानुसार मोठ्या निष्ठेने श्रीशिवांची प्रेमभक्ती केली आणि त्यावर प्रसन्न होऊन त्याला प्रत्यक्ष श्रीशिवप्रभूंचे दर्शनही लाभले. म्हणूनच भक्तीचे शास्त्र श्रीगुरुमुखातून समजून घेतल्याशिवाय अापल्याला तरणोपाय नाही.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )