*॥ अमृतबोध ॥* *२२ फेब्रुवारी २०१७* *॥ हरिपाठ मंजिरी - ६८ ॥*

प.पू.श्री.मामासाहेब देशपांडे महाराज हरिपाठाच्या पाचव्या अभंगाचे मार्मिक विवरण करीत आहेत. ते म्हणतात की, "योग हा परम नसला तरी, अंत:करण शुद्धी होईपर्यंत त्याचा जरूर उपयोग आहे. हे लक्षात न आल्यामुळे, 'योगात अर्थ नाही' असे सरसकट विधान केले जाते. कशाचा केव्हा उपयोग करावयाचा; त्याचे ज्ञान असणे फार महत्त्वाचे आहे. ते समजून जर आपण वागलो, तरच पुढील मार्ग मिळणार. नाहीतर तेथेच मार्ग खुंटेल."
योगाच्या साहाय्याने आधी  अंत:करणाची शुद्धी झाली पाहिजे. ती झाल्याशिवाय शुद्ध भाव निर्माण होत नाही आणि असा भाव निर्माण झाल्याशिवाय देवाचा नि:संदेह अनुभव येत नाही, असे सद्गुरु श्री माउली सांगतात.
(कृपया ही पोस्ट आपल्या फेसबुक वॉलवर तसेच व्हॉट्सप ग्रूप्सवर आवर्जून शेयर करावी ही विनंती. अशा पोस्ट्स नियमित वाचण्यासाठी कृपया हे पेज लाईक करावे.
https://m.facebook.com/sadgurubodh/
http://sadgurubodh.blogspot.in )